Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 10 Ionawr 2017

Amser: 08.30 - 08.46

Preifat

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Jane Hutt AC Rhun ap Iorwerth AC Paul Davies AC David J Rowlands AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Siân Wilkins, Pennaeth Gwasanaeth y Siambr a Phwyllgorau Christopher Warner, Pennaeth Gwasanaeth y Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar gofnodion y cyfarfod ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Trefnwyd bod 45 munud yn cael ei neilltuo ar gyfer datganiad Ysgrifennydd y Cabinet dros Iechyd, Llesiant a Chwaraeon ar yr ymgynghoriad ynghylch Cynllun Gweithredu Strategol Drafft ar gyfer Dementia yng Nghymru, yn hytrach na 30 munud.

Bydd Ysgrifennydd y Cabinet dros yr Amgylchedd a Materion Gwledig yn gwneud datganiad ar Ffliw Adar (30 munud).

Bydd Ysgrifennydd y Cabinet dros Iechyd, Llesiant a Chwaraeon yn gwneud datganiad ar y Gronfa Triniaethau newydd (45 munud).

Byddai'r Cyfnod Pleidleisio ddydd Mawrth yn cael ei gynnal ar ôl yr eitem olaf o fusnes. Cytunodd y Pwyllgor Busnes y cynhelir y Cyfnod Pleidleisio cyn y Ddadl Fer ddydd Mercher.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 25 Ionawr 2017 –

· Datganiad gan Gadeirydd y Pwyllgor Plant, Pobl Ifanc ac Addysg: ymchwiliadau a gwaith ymgysylltu ar gyfer y dyfodol (30 munud)

Dydd Mercher 1 Chwefror 2017 –

· Dadl ar adroddiad y Pwyllgor Iechyd, Gofal Cymdeithasol a Chwaraeon ar ei ymchwiliad i barodrwydd ar gyfer y gaeaf 2016/17 (60 munud)

Amser a neilltuwyd i Blaid Cymru (60 munud)

</AI6>

<AI7>

4 Deddfwriaeth

</AI7>

<AI8>

4.1 Y Memorandwm Cydsyniad Deddfwriaethol atodol ar y Bil Addysg Uwch ac Ymchwil

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol atodol mewn perthynas â'r Bil Addysg Uwch ac Ymchwil.

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol atodol i'r Pwyllgor Plant, Pobl Ifanc ac Addysg er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm Cydsyniad Deddfwriaethol atodol erbyn dydd Iau 9 Chwefror 2017 er mwyn i’r Cynnig Cydsyniad Deddfwriaethol gael ei drafod yn y Cyfarfod Llawn ddydd Mawrth 14 Chwefror 2017.

</AI8>

<AI9>

4.2 Llythyr oddi wrth y Cwnsler Cyffredinol at y Llywydd ynghylch Biliau Cydgrynhoi

Nododd y Pwyllgor Busnes lythyr gan y Cwnsler Cyffredinol am ei ymateb i Gomisiwn y Gyfraith ynghylch ei adroddiad ar 'Ffurf a Hygyrchedd y Gyfraith sy'n Gymwys yng Nghymru'.

Yn sgil canfyddiadau Comisiwn y Gyfraith, awgrymodd y Cwnsler Cyffredinol yn ei lythyr ei fod yn fodlon ailddechrau'r broses o gyflwyno gweithdrefn ar gyfer Biliau Cydgrynhoi, a ddechreuwyd gan Lywodraeth Cymru a swyddogion Comisiwn y Cynulliad ym mis Mai 2014.

Nododd y Rheolwyr Busnes eu bod yn fodlon ailddechrau cydweithio ar gynigion ar gyfer diwygio Rheolau Sefydlog i gynnwys gweithdrefn ar gyfer ystyried Biliau Cydgrynhoi ac i ysgrifennu at y Pwyllgor Materion Cyfansoddiadol a Deddfwriaethol i roi gwybod iddo am eu penderfyniad.

</AI9>

<AI10>

5 Rheolau Sefydlog

</AI10>

<AI11>

5.1 Adolygiad o Drefniadau Deisebau Cyhoeddus

Bu'r Rheolwyr Busnes yn trafod papur yn nodi cynigion ar gyfer diwygio Rheolau Sefydlog ar sail argymhellion yr 'Adolygiad o Drefniadau Deisebau Cyhoeddus' yr oedd y Pwyllgor Deisebau am fwrw ymlaen â hwy. Roedd y Pwyllgor Busnes yn cytuno o ran egwyddor â'r cynigion i ddiwygio Rheolau Sefydlog er mwyn rhoi argymhellion 3 a 4 yn yr adroddiad ar waith, a'r cynigion ar gyfer gweithdrefnau y tu allan i'r Rheolau Sefydlog sy'n ymdrin â deisebau sy'n cyrraedd trothwy penodol o lofnodion.

Cytunodd y Pwyllgor i ysgrifennu at y Pwyllgor Deisebau er mwyn cael ei farn ar y cynigion.

</AI11>

<AI12>

Unrhyw fater arall

Gadael y Siambr

Atgoffodd y Llywydd y Rheolwyr Busnes fod disgwyl i Aelodau sydd wedi cyfrannu at eitem aros yn y Siambr drwy gydol yr eitem ac y bydd unrhyw Aelodau nad ydynt yn gwneud hynny yn cael eu cosbi yn y dyfodol.

Datganiadau

Gofynnodd y Llywydd i'r Rheolwyr Busnes annog Aelodau i fod yn gryno wrth ofyn cwestiynau ynglŷn â datganiadau. Caiff llefarwyr siarad am ddwy funud cyn gofyn eu cwestiynau, ond disgwylir i Aelodau ofyn eu cwestiynau yn syth.

</AI12>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>